陳國邦5歲女出唱片 羅敏莊最想留住乖女靚聲：係好美好回憶
撰文： 鄺鈺瑩 發佈日期：2017-12-07 14:00 最後更新日期：2017-12-07 14:00
羅敏莊同陳國邦嘅愛女陳禛（JAN JAN）雖然只得5歲，但甚有表演天份，平時只要興之所致，必定毫不吝嗇又唱又跳。為幫愛女留下美好回憶，羅敏莊同陳國邦早前特意找來唱片公司老闆為JAN JAN錄製聖誕雜錦歌，並邀請攝影師好友操刀為女兒拍攝新碟宣傳照，製作十分認真。
陳國邦表示：「呢個係一個美好回憶，尤其我哋都係藝人，要做呢件事好易，好似依家咁，有成隊人去拍我哋，出嚟效果會好靚好放心，對我哋嚟講，都係想為女留好特別回憶。」MiMi亦直指不捨得女兒大得這麼快：「阿女把聲成日都唔同，我老公就成日催我快啲幫個女錄歌，因為再大啲錄把聲又會再轉，真係好想留低佢咁得意把聲，會係我哋好美好嘅回憶。」
對於愛女表現，MiMi同陳國邦都給予一百分，不過，MiMi就透露錄音時由於需要重複又重複，所以陳禛都試過嗌悶同攰，而陳國邦亦有同樣感受：「做戲重複又重複冇問題，但唱歌真係唔得。」看來兩父女都需要好好訓練耐性。
https://www.hk01.com/…/%E9%99%B3%E5%9C%8B%E9%82%A65%E6%AD%B…
Search